Tenor ils auturs da quella cumprovan questas cifras che las interpresas reduceschian adina pli savens plazzas per sbassar ils custs en consequenza dal schoc dal franc. La gronda part da las relaschadas nodan ils chantuns Turitg (4'082 plazzas) e Genevra (1'693). Dal chantun Grischun na datti naginas cifras.
Cura vegn discurrì d'ina relaschada en massa?
Sco relaschada en massa valan tenor il dretg d'obligaziuns relaschadas dad in tschert dumber da collavuraturs minimal, ch'il patrun annunzia aifer 30 dis pervi da raschuns dal manaschi. En firmas pitschnas cun damain che 100 lavurers ston almain 10 persunas esser pertutgadas. Tar manaschis cun 100 fin 300 collavuraturs vegn discurrì dad ina relaschada en massa sche passa 10% dals emploiads èn pertutgads.
RR novitads 23:00