18,9% da las populaziun vivan en in tegnairchasa cun almain in retard da pajament durant ils ultims 12 mais. Il pli savens vegnan quints da taglia e las premias da las cassas da malsauns pajadas cun retard. 8% vivan en in tegnairchasa cun almain trais differentas spezias d'indebitaments.
Radund 10% n'han betg pajà il quint da taglia
Tar la spezia d'indebitament «retard da pajament» tutgan tschains da locaziun u tschains ipotecars betg pajads, quints per aua, electricitad, gas e stgaudament, premias da las cassas da malsauns, taglia, quints per telecommunicaziun ed auters quints. Ils pli savens hai dà il 2017 retard cun pajar la taglia (9,9%) e las premias da la cassa da malsauns (7,3%).
Savens pertutgads cun retards da pajar quints èn tegnairchasas cun uffants.
Pli vegl e pli darar cumpras spontanas
La statistica mussa er che ina da diesch persunas (10%) cun ina vegliadetgna tranter 18 e 24 onns è pronta da cumprar rauba, malgrà ch'ella sa ch'ella n'ha betg avunda daners a disposiziun. Tar las persunas sur 65 onns èn quai be 3,8%.
RTR novitads 10:00