Siglir tar il cuntegn
Inhalt

Svizra 44,3% pli paucas dumondas d'asil ch'il favrer da l'onn passà

Sco ils davos mais derivan ils blers requirents da l'Eritrea, la Siria e la Guinea.

Purtret da l'entrada da l'Uffizi federal per fugitivs.
Legenda: La via dal Balcan ch'è serrada procura che la Svizra ha in bun tant pli paucs fugitivs. Keystone

Il regress da dumondas d'asil per 44,3% cumpareglià cun l'onn 2016 è sur tut ina consequenza da la ruta dal Balcan ch'è vegnida serrada il mars 2016. Las pli bleras dumondas d'asil èn vegnidas l'onn 2017 da l'Eritrea (296, 39 pli pauc ch'il schaner 2017), la Syria (167, +54), Guinea (105, -15), Afghanistan (92, -7), Irak (72, +15) e Nigeria (69, +10).

Pervi da l'aura fraida sa mova la migraziun en l'Europa pil mument plitost plaun. La pluralitad da las persunas ch'èn arrivadas quest onn en l'Italia deriva da l'Africa dal vest. Damai che la situaziun en la Libia n'è betg sa midada è da quintar ch'il dumber da persunas che vegnan en l'Italia crescha puspè.

Il secretariat per migraziun ha rugalà il favrer 2'448 dumondas d'asil en l'emprima instanza. 583 dumondas èn vegnidas renviadas pervi da la cunvegna da Dublin. 578 persunas han survegnì asil e 668 persunas èn provisoricamain vegnidas prendidas si.

RR novitads 14:00