Legenda:
Il minister da l'exteriur, Didier Burkhalter, durant la debatta davart la contribuziun da coesiun.
Keystone
cuntegn
Svizra - 45 milliuns francs per la Croazia
La Svizra e la Croazia han suttascrit a Zagreb ina cunvegna da basa che regla l'engaschi svizzer en la Croazia. La Svizra veglia s'engaschar cun 45 milliuns francs en plirs secturs sco il Departament federal d'affars exteriurs communitgescha.
Tranter auter tar il provediment d'aua, la perscrutaziun e la furmaziun professiunala. Tenor il Departament federal è l'engaschi en l'interess da la Svizra ed in mussament da solidaritad e responsabladad. El stabiliseschia il svilup economic da la Croazia.
Il december passà ha il parlament federal approvà la contribuziun. Dapi il 2007 finanziescha la Svizra projects e programs en favur da quests 12 stadis ch'èn s'accociads dapi il 2004 a l'UE.
