Dunnas pli veglias sajan pertutgadas ord motivs fisiologics bler pli ferm ch’il rest da la populaziun entras midaments da clima. Ellas sajan periclitadas da murir da temperaturas da chalira, ha communitgà l’advocata da las accusadras Ursula Brunner. E talas chaliras possia quai dar pli stedi tras la midada dal clima.
La confederaziun saja obligada d’evitar donns vid l’uman e l’ambient. Las mesiras federalas planisadas na tanschessan insumma betg per cuntanscher las finamiras sa datas sez, di Ursula Brunner.
Las senioras pretendan tranter auter ina taxa directiva sin carburants, in sforz da sanar immobiglias, controllas exactas da las emissiuns dad autos novs e prescripziuns da clima effizientas en l’agricultura.
RR novitads 11:00