Siglir tar il cuntegn

Header

Tetg fotovoltaic
Legenda: Radund 85'000 indrizs fotovoltaics han savì profitar dal sustegn da la Confederaziun. Keystone
cuntegn

470 milliuns francs Sustegn per indrizs fotovoltaics

La Confederaziun sustegn la producziun d’energia cun indriz fotovoltaics cun 470 milliuns francs l’auter onn. L’Uffizi federal d’energia vul uschia encuraschar ils possessurs da terren e da chasas d’investir en novs indriz.

Profitar da questa contribuziun unica duain tant indrizs fotovoltaics pitschens cun ina prestaziun enfin 100 kW, sco er indrizs pli gronds enfin 50 MW.

Contribuziuns tschertgadas

In sguard sin quest onn mussa che las contribuziuns unicas èn er tschertgadas. Uschia sustegn la Confederaziun bun 20'000 indrizs pitschens cun la summa totala da 130 milliuns francs. Tar ils indrizs pli gronds profiteschan radund 24000 possessurs. Els survegnan en tut bunamain 260 milliuns francs.

Sut il stritg han enfin la fin da l'onn 85'000 indrizs fotovoltaics savì profitar dad ina contribuziun unica. Quels produceschan bunamain 9% da l'electricitad che vegn consumada en Svizra.

RTR novitads 12:00

Artitgels legids il pli savens

Scrollar a sanestra Scrollar a dretga