Siglir tar il cuntegn

Header

purtret da l'ospital universitar a Turitg
Legenda: L'ospital universitar a Turitg. Keystone
cuntegn

48 milliuns Ospital universitar da Turitg ha fatg perdita da milliuns

Durant la pandemia e l'emprim lockdown èn bleras operaziuns vegnidas stritgadas. Enfin la fin da l'onn n'èsi betg pli gartegià da cumpensar questa perdita.

L’ospital universitar da Turitg ha fatg l’onn passà ina perdita da 48 milliuns francs. Pervi dal coronavirus haja l’ospital pudì tractar damain pazients, argumentescha l'ospital universitar. Durant il lockdown la primavaira passada valeva in stop d’operar en ils ospitals svizzers. La svieuta saja sa reducida per 1,6% sin 1,4 milliardas francs.

Sur tut durant l'avrigl, il november ed il december haja dà marcantamain pli paucas operaziun. La primavaira è quai da declerar cun il lockdown ed il stop d'operaziuns. Ì enavos saja sur tut il dumber da pazients staziunars. La durada media ch'in pazient restia en ospital saja sa reducida da 6,55 dis il 2019 sin 6,49 dis il 2020.

L'onn 2019 ha l'ospital fatg in gudogn da 40 milliuns francs.

RTR novitads 12:00

Artitgels legids il pli savens

Scrollar a sanestra Scrollar a dretga