Siglir tar il cuntegn

Header

Purtret d'in bindel cun scrit si Swiss e persunas davostier che n'èn betg en il focus da la camera.
Legenda: La Swiss ha transportà dapli persunas durant il schaner. Keystone
cuntegn

Svizra 5,4% dapli passagiers per la Swiss

1,2 milliuns passagiers ha la societad aviatica transportà il schaner. Cumpareglià cun la medema perioda da l'onn avant è quai in plus da 5,4%, ha communitgà la Swiss.

Er l'utilisaziun, mesirada vi da las plazzas occupadas, è sa meglierada per 3,3%, ha communitgà la Swiss. Quai munta che 77,8 da 100 sezs èn stads occupads. La societad ha era gì 6% dapli sgols, en tut 11'599. Grazia alls novs aviuns po la Swiss far diever da pli gronds aviuns e spargnar uschia sgols, sco era occupar meglier quels. L'onn passà ha la Swiss gì en tut 17,94 milliuns passagiers. Cun quai ha ella rut il record da l'onn avant per 6,2%.

Tar il gudogn da la Swiss datti dentant pli pauc positiv. Il pretsch pli aut da l'ieli ha chaschunà ch'il cherosin è stà pli char e quai smatga il gudogn. Perquai è il resultat operativ en il terz quartal per 10% pli bass.

RR novitads 17:00