Siglir tar il cuntegn

Header

cuntegn

Svizra 5,8 milliardas per las famiglias en Svizra

Passa in milliun mammas e babs en Svizra han survegnì l’onn 2015 supplements da famiglia. Per quels ha la Confederaziun dà ora radund 5,8 milliardas francs. Quai communitgescha l'uffizi federal per assicuranzas socialas.

En media ha mintga famiglia survegnì bun 250 francs per uffants e mais. Tranter ils singuls chantuns datti però grondas differenzas. En 13 chantuns survegnan las famiglias mo il minimum legal da 200 francs, en du datti in tec dapli per uffants, ch’èn pli vegls che 12 onns. Endisch chantuns prevesan en general contribuziuns pli autas – e quai da 210 enfin 300 francs per uffant.

La Romandie è pli amiaivla cun famiglias

Cun excepziun dal chantun Giura dattan tut ils chantuns romands a partir dal terz uffant anc 100 francs dapli. Uschia po survegnir ina famiglia genevrina fin a 400 francs per uffant al mais. Per regla èn er las subvenziuns per canortas d'uffants en la Svizra franzosa pli autas.

Tgi survegn - e tgi paja

Ils supplements da famiglia van per 96% en favur da persunas, ch’èn engaschadas. Pajads vegnan ils supplements en emprima lingia tras ils patruns da lavur cun in tariffa media da contribuziun da 1,6% sin la paja.

En relaziun cun tut ils pajaments dals instituts d’assicuranzas socialas, ch’eran l’onn 2014 tar expensas da 152 milliardas francs, fan ora ils supplements da famiglia ina cumpart da 3,7%.

RR novitads 17:00

Artitgels legids il pli savens