Siglir tar il cuntegn

Header

situaziun da plazzal
Legenda: 8 firmas dal Son Gagl e Sviz han da pajar multas da 5 milliuns francs pervi da cunvegnas da pretschs illegalas. Keystone
cuntegn

Svizra 5 miu. multa per 8 impressaris da Son Gagl e Sviz

En ils chantuns da Son Gagl e Sviz ston 8 firmas da construcziun bassa e da vias pajar in chasti da 5 milliuns francs. Tenor la cumissiun da concurrenza svizra èn ellas sa cunvegnidas illegalmain davart lur pretschs.

Tenor la cumissiun da concurrenza svizra (CUMCO) han las interpresas fatg giu offertas tranter ellas dal 2002 e 2009. Sper il pli grond concern da construcziun svizzer Implenia, èn pertutgadas era las firmas De Zanet, Hagedron, Oberholzer Bauleistungen, Walo Bertchinger St. Gallen, Gebr. P. und J. Reichmuth, Toller Unternehmungen e Bernet Bau.

Las firmas sajan s'inscuntradas regularmain per 'sclerir la situaziun da la fiera', communitgescha la CUMCO. Là hajan ellas discutà ils projects actuals da patruns publics e privats e fatg giu tranter ellas, tgi che duai survegnir l'incumbensa e per quant ofrrir.

Cas grischun vegn decidì vers la fin dal 2016

Era pendents tar la CUMCO èn anc sumeglionts cas da firmas en il Grischun. La cumissiun da concurrenza quinta da pudair prender emprimas decisiuns pertutgant quest cas Grischun vers la fin da l'onn.

RR novitads 11:00

sda/uca

Artitgels legì il pli savens

Nach links scrollen Nach rechts scrollen