Tar ina sajettada a Würenlingen en il chantun Argovia èn 5 persunas vegnidas mazzadas la sonda saira. I sa tracta d’in delict da relaziun. Il delinquent prechastià, in bab da famiglia da 36 onns, ha sajettà giu sasez suenter il delict.
Legenda:
Cumandant da polizia, Michael Leupold
dat pled e fatg ad ina conferenza da medias en connex cun la sajettada da Würenlingen.
Keystone
2 / 4
Legenda:
Tar il delict da relaziun èn 5 persunas mortas.
Keystone
3 / 4
Legenda:
Tar la sajettada da Würenlingen èn 5 persunas mortas.
SRF
4 / 4
Legenda:
Sajettada a Würenlingen.
pixelio
La sajettada è succedida en dus differents lieus en il medem quartier a Würenlingen. Quai ha il schef da la polizia chantunala da l’Argovia ditg avant las medias.
Sajettà giu sir e sira ed il quinà
A l’emprim lieu da delict ha l’um sajettà giu in um da 58, ina dunna da 57 onns ed in um da 32 onns. I sa tractava dal sir e da la sira e dal quinà dal delinquent.
Suenter l’emprim delict ha l’um sajettà giu in um da 46 onns avant che sajettar giu sasez. Sche l’unfrenda è be vegnida sajettada giu casualmain, na sa la polizia anc betg.
Delinquent aveva 3 uffants
Il delinquent dal chantun Sviz era maridà ed aveva 3 uffants. El viveva separà da sia famiglia. Tant il delinquent, sco era sia famiglia eran plazzads per motivs da prevenziun.
