Siglir tar il cuntegn

Header

cuntegn

Svizra 5 umens èn brischads en l'auto

A Rheinfelden AG èn 5 umens tranter 23 e 39 onns brischads en in auto. Quatter dad els èn Svizzers da la regiun ed il tschintgavel è in turist. Duas dunnas da 24 e 34 onns, medemamain da la regiun, èn vegnidas blessadas grevamain e transportadas en l'ospital a Basilea.

Sco la polizia chantunala da l'Argovia communitgeschà sa tracti d'in accident individual. L'auto cun numer svizzer è collidà enturn las 3 la damaun a Rheinfelden l'emprim cun in candelaber e silsuenter cun ina planta. Sinaquai ha l'auto piglià fieu. Ils 5 umens èn brischadas en l'auto.

Sco quai che la polizia chantunala da l'Argovia ha ditg ad SRF na sappian ins anc betg daco che l'auto haja piglià fieu. Plinavant suppona la polizia che tuttas 7 persunas eran en il VW Golf. Sche l'auto è charrà memia spert n'è anc betg cler. Sco i para ha nagin observà l'accident. La polizia tschertga persunas che pon far indicaziuns, nua che las 7 persunas èn idas en il VW Golf.

RR novitads 7:00

Artitgels legids il pli savens