En Svizra hai dà marcantamain damain unfrendas da lavinas l'enviern 2019/2020. Cun tschintg morts è il dumber sa reducì sin il pli bass nivel dapi 60 onns. Tut las unfrendas sajan stadas sportists d'enviern che sa chattavian en territori betg segirà. Uschia communitgescha l'Institut da naiv e lavinas a Tavau SLF. Tut en tut èn 128 persunas vegnidas en ina lavina.
Bunas relaziuns da naiv il schaner
La raschun ch'i ha dà damain unfrendas sajan las relaziuns dal schaner cun ina buna cuverta da naiv. In auter aspect saja probabel stà l'aura cun plievgia fin sin ils auts ch'haja carmalà damain skiunzs da turas.
Ord l'archiv
Avant 45 onns hai dà in dals gronds discletgs da lavina en Surselva. Fermamain pertutgà è stà Acla en Val Medel:
video
Ord l'archiv: Avant 45 onns èn idas giu pliras grondas lavinas en Surselva
Or da Telesguard dals 02.04.2020.
laschar ir. Durada: 2 minutas 7 Secundas.