Siglir tar il cuntegn

Svizra 50'000 èn stads a la festa federala da tamburs

Radund 50'000 persunas han visità da gievgia fin dumengia la 27avla festa federala da tamburs a Bulle. L'organisaziun sa mussa cuntenta da quest interess sco er da las prestaziuns musicalas.

gruppa da tamburs en acziun
Legenda: Ils tamburs da Domat en acziun avant la giuria. mad, Beat Wittwer

En total èn 2'800 tamburs e tschivladers sa participads a las diversas concurrenzas. Suenter il cortegi cun 120 nummeras è ida a fin la 27avla festa federala da tamburs a Bulle (FR). Gronda victura è la «Fasnachtszunf Ryburg Möhlin» ch'ha gudagnà la concurrenza da secziun – ed ha era blers solists ch'han gudagnà differentas categorias. Sin il segund plaz èn ils anteriurs victurs «Edelweiss Erschmatt».

Sco suletta secziun grischuna èn ils tamburs da Domat stads a la festa federala. Sco secziun han ils da Domat cuntanschì il 6avel rang.

Ils emprims rangs

1.
Ryburg Möhlin
120.9 puncts
2.Edelweiss Erschmatt
119.1 puncts
3.
Laupersdorf118.4 puncts
4.Gossau118.0 puncts
5.Näfels117.6 puncts
6.Domat117.2 puncts

Tar ils solists han plirs tamburs da Domat cuntanschì distincziuns. En differentas categorias èn quai

  • Corsin Federspiel
  • Jonas Willi
  • Fabian Casanova
  • Tamino Weggler.

RR novitads 18:00