Siglir tar il cuntegn

Header

cuntegn

Svizra 50 francs per mintga chasada

Cun quest import vul il Cussegl federal pajar enavos la taglia sin la plivalur ch'è vegnida incassada faussamain sin la taxa da radio e televisiun.

Tenor decisiun dal Tribunal federal po betg vegnir incassa ina taglia sin plivalur sin las taxas da radio e televisiun. La Confederaziun sto perquai pajar enavos a la populaziun la taglia sin plivalur ch'ella ha incassà ils onns 2010 fin 2015.

Incassà 165 milliuns memia bler

En tut èn 165 milliuns francs vegnids incassads memia bler durant quest temp. Questa summa vegn dividida tras las 3,4 milliuns chasadas ch'han il dretg sin ina restituziun. Ils daners vul il Cussegl federal pajar enavos ord la cassa da la Confederaziun. Las chasadas duessan survegnir ils 50 francs sco bonificaziun sin il quint da Serafe – l'interpresa ch'incassescha la taxa da radio e televisiun.

Sch'il parlament approvescha la proposta dal Cussegl federal, duessan las chasadas survegnir la bonificaziun il 2021. Sco emprim sto la proposta dentant anc ir en consultaziun.

RR novitads 12:00

Artitgels legids il pli savens