Siglir tar il cuntegn
Inhalt

Svizra 50 milliuns per velos engulads

L'onn passà èn vegnids engulads 38'000 velos. Quai chaschuna custs per las assicuranzas. Spezialmain la stad.

Ina sort garascha sutterana: Duas retschas da rodas da velo cun e senza pneus. las rodas giaschan ina sin l'autra. . Davostiers hai differenta autra rauba per part en chistas da bananas. Ed in per mantuns pneus da Velo.
Legenda: Parts da velos engulads. Foto dal 2009. Keystone

Quai rapporta l'assicuranza Axa Winterthur sa referind sin cifras da l'Uffizi Federal da statistica (UST).

Spezialmain la stad vegnia engulà dapli velos. E quai massiv: Durant ils mais da stad dettia tenor l'assicuranza 45% dapli annunzias pervia da velos engulads.

Velos pli chars – donns pli gronds

Ils 38'000 velos ch'èn vegnids engulads l'onn passà chaschunian custs da 50 milliuns francs. La schanza da chattar puspè in dals velos engulads è pitschna. Be 2,3% dals enguladitschs vegnian sclerids. Spezialmain en privel da vegnir engulads sajan velos en las citads da Bienna, Basilea e Berna.

In'influenza sin ils custs da las assicuranzas ha era il pretsch dals velos: Dapi il 2008 saja la summa da custs ch'in singul velo engulà chaschuna s'augmentà da CHF 1'000 sin CHF 1'300.

RR novitads 14:00