500 armas d'armada svaneschan aifer 7 onns

Messas a perder, vendidas a moda illegala u brischadas: onn per onn svaneschan armas da l'Armada svizra. L’onn passà èn svanidas totalmain 82 armas. Be tschintg da quellas èn puspè cumparidas.

Ina pistola da l'Armada svizra. Bild in Lightbox öffnen.

Legenda da maletgs: La statistica per ils davos set onns: passa 500 armas da l'armada èn svanidas. Bunamain 400 da quellas èn vegnidas enguladas. Keystone

Quai ha ditg in pledader da l'armada ed uschia confermà in rapport da la gasetta «Blick». Tenor quai rapport han 505 militars annunzià lur arma sco sparida – quai tranter l’onn 2009 e 2016.

Passa 5000 armas senza fastizs tranter 1969 e 2015

75% da questas armas (381) èn vegnidas enguladas. Ed il dumber restant è vegnì mess a perder, vendì illegalmain u destruì d’incendis. 39 armas ch’èn sparidas dapi il 2009 ha l’armada puspè survegnì enavos.

Tranter l’onn 1969 e 2015 èn tut ensemen radund 5’100 armas da l’armada vegnidas annunziada sco sparidas. Da questa haja l’armada be survegnì enavos 6%, pia restan sparidas quasi 4’800 armas.

RR novitads 15:00