Siglir tar il cuntegn

Header

Navigaziun

cuntegn

533'000 vatgas da latg Uschè paucas vatgas da latg sco anc mai

En Svizra ha il dumber da las vatgas da latg danovamain cuntanschì in nov stand bass da record. Aifer in onn è quel sa reducì per 2%, sin 533'495 vatgas da latg. Quai communitgescha il servetsch d'infurmaziun per l'agricultrua svizra.

Aifer ils ultims 7 onns è schizunt mintga 10avla vatga da latg svanida. La raschun per quest svilup, saja surtut l'effizienza da las vatgas ed ils pretschs da latg bass. Malgrà ch'il dumber da las vatgas è numnadamain sa reducì, resta la quantitad da latg stabila.

Pli paucas vatgas pli productivas

Ils experts stiman ch'il trend cuntinueschia ch'il dumber da las vatgas da latg stagneschia lura però. Che tut ils purs dettian lura giu las vatgas da latg e remplazzian quellas cun vatgas mamma saja in paraula. Sin 3-4 vatgas da latg che svaneschian vegnia numnadamain be radund 1 vatga mamma vitiers.

Las vatgas mamma sajan bain in'alternativa tar las vatgas da latg, dentant betg la suletta. Il dumber da vatgas sa reduceschia numnadamain en general. I dettia er blers purs che midian da la tratga da vatgas sin la cultivaziun dad ers, cunzunt en la Bassa nua che quai giaja bain.

Ord l'archiv:

Legenda: Guardar il video La vatga grischuna. Durada 26:17 minutas.
Or da Cuntrasts dals 31.10.2017.

RR novitads 11:00