Siglir tar il cuntegn

Header

cuntegn

5G Schlargiar sin 5G dovra tuttina lubientscha

Per schlargiar la rait d'antennas da 5G dovri ussa tuttina ina procedura da construcziun ordinaria. A quella conclusiun vegn ina nova expertisa giuridica.

Uschia na pon antennas existentas betg pli vegnir actualisadas sin 5G be cun ina procedura da construcziun accellerada. Tar ina tala, n'han abitantas ed abitants numnadamain betg la pussaivlada da far recurs. Cun ina procedura ordinaria schon.

L'expertisa è vegnida fatga sin incumbensa da la conferenza da directuras e directurs da l'ambient. Il gremi ch'aveva oriund cusseglià la procedura svelta. Ils resultats da l'expertisa sajan per il gremi relevants ed i saja planisà da discutar la chaussa durant la proxima sesida.

Sche l'expertisa retarda il schargiament da la rait da 5G, n'è anc betg cler.

audio
Per tadlar curt e cumpact
00:52 min, RTR Audio dals 10.09.2021.
laschar ir. Durada: 00:52 minutas.

RTR novitads 17:00

Artitgels legids il pli savens

Scrollar a sanestra Scrollar a dretga