Siglir tar il cuntegn

Header

cuntegn

Svizra 6,8% dapli gudogn per Swatch

Il concern d'uras svizzer ha fatg l'emprima mesadad dal 2017 in gudogn da 281 milliuns francs.

La svieuta è s'augmentada ils emprims sis mais da quest onn per 1,2% sin 3,76 milliardas francs cumpareglià cun la medema perioda da l'onn passà. Quai ha communitgà la producenta dad uras da Bienna. D'attribuir saja quest resultat positiv en emprima lingia a las bunas venditas en las atgnas butias.

Tuttina n'ha Swatch betg ademplì las spetgas dals analists dal tuttafatg. Lezs han numnadamain quintà en media cun in gudogn da 285 milliuns francs.

Prognosas

Per la segund part dal 2017 quinta il concern svizzer da pudair crescher vinavant. Swatch quinta cun ina creschientscha fitg positiva en valurs localas. Cunzunt en il segment da luxus e prestige saja la vendita s'augmentada il mais da fanadur.

Dasper las enconuschentas uras da plastic appartegnan tranter auter las marcas noblas da Blancpain, Omega e Glashütte al concern da Swatch.

RR novitads 08:00

Artitgels legids il pli savens