Svizra - 6 commembers da la Ndrangheta èn puspè libers
Las 6 persunas suspectadas d’esser commembras da l’organisaziun criminala Ndrangheta èn puspè èn libertad. L’uffizi federal per giustia ha laschà liber sin cauziun 5 persunas dal chantun Turgovia ed ina dal chantun Turitg. Il ristg per ina fugi, vegnia stimà sco pitschen.
Ils suspectads hajan stuì deponer ils documents d’identitad e stoppian s’annunziar regularmain tar la polizia, conferma l’uffizi federal. Las 6 persunas eran vegnidas arrestadas il mardi passà sin dumonda da la giustia taliana.
9 ulteriuras persunas restan en arrest d’extradiziun. La decisiun davart l’extradiziun po vegnir contestada tar il Tribunal penal federal.
