Siglir tar il cuntegn

Header

cuntegn

Svizra 60% main traffic privat da l'Italia en il Tessin

Las novas controllas al cunfin cun l'Italia funcziuneschan. Questa emprima bilantscha ha fatg a Chiasso - il schef da l'Administraziun federala da duana - Christian Bock.

purtret christian bock
Legenda: Il directur da l'administraziun da duana federala Christian Bock tar la preschentaziun da las mesiras che pertutgan il cunfin. Keystone

Il traffic privat da l'Italia en il Tessin saja tschessà per 60%, ha declerà il directur da l'administraziun federala da duana Christian Bock. Dapi sonda las 15:30 valan las novas directivas dal Cussegl federal – numnadamain da reintroducir controllas al cunfin cun l'Italia. Il dumber dals cunfinaris saja era sa reducì la damaun - quai per passa la mesadad. A prest 300 persunas hajan ins refusà d'entrar en Svizra.

Venderdi aveva il Cussegl federal decis da puspè introducir las controllas al cunfin cun l'Italia. Las controllas sistematicas – sco en il Tessin - fa la Svizra era sin ils passagis en ils chantuns Grischun e Vallais. Senn da las restricziuns èsi che la populaziun svizra vegnia protegida ed er da garantir las capacitads en il sistem da sanadad svizzer.

RTR novitads 18:00;

Artitgels legids il pli savens