Siglir tar il cuntegn

Header

cuntegn

65 milliuns francs Termaglieras na pofiteschan betg d'agid per canortas

Il parlament ha deliberà in credit da 65 milliuns francs a la sessiun extraordinaria per sustegnair canortas ch'èn vegnidas en la miseria pervi da la crisa da corona. Termagleras na duain dentant betg profitar da questas subvenziuns.

Purtret da plirs uffants che sesan en in rudè e fan termagls.
Legenda: Keystone

Termaglieras na tutgian betg tar la purschida da cumplementar la famiglia e n'hajan perquai nagin dretg da profitar da quest credit, ha declerà il minister da l'intern Alain Berset al Cussegl naziunal. Tar termaglieras stettia en il center l'integraziun sociala dals uffants e betg la cumpatibilitad da lavur e famiglia.

La cussegliera naziunala Sandra Locher Benguerel (PS/GR) ha crititgà ch'il parlament haja numnà las termaglieras explicitamain sco pertutgadas cura ch'il Cussegl federal ha dà l'incumbensa per l'agid finanzial. Termaglieras tutgian tenor quai er en l'ordinaziun da Covid-19.

La Confederaziun sviescha tar l'agid per termaglieras sin il pachet da mesiras per franar las consequenzas economicas. Quella possian dumandar là per in'indeminisaziun sch'ellas èn vegnidas pervi da corona en miserias finanzialas.

RTR novitads 17:00

Artitgels legids il pli savens

Ir a sanester Ir a dretg