En media han persunas svizras ina facultad da 685'000 dollars. Quai mussa il «Global Wealth Report», in studi che la banca UBS publitgescha mintg'onn. Sin plaz dus e trais suondan ils Stadis Unids e Hongkong. En Germania posseda ina persuna creschida en media 256'000 dollars, en Austria 245'000.
Facultad sa reducescha
Per l'emprima giada dapi la crisa da finanzas il 2008 è la facultad da la populaziun sin l'entir mund puspè sa reducida l'onn passà. Quai mussa in studi che l'UBS ha publitgà oz. La facultad totala è sa reducida per 2,4% sin radund 454 billiuns dollars. Surtut facultad finanziala è sa reducida, fertant ch'immobiglias han plitost mantegnì lur valur.
I enavos surproporziunalmain è surtut la facultad da la populaziun en ils Stadis Unids, il Hongkong e l'Australia. Malgrà ch'er la facultad da las Svizras e dals Svizzers è ida enavos è la Svizra anc adina il pajais il pli ritg dal mund.