L'augment da milli sin 7'500 lubientschas per lavurants cun autas qualificaziuns ordaifer l'UE e l'EFTA na vegnia betg a tanscher. Quai scriva l'Associaziun svizra dals patruns en sia reacziun. Ella vuleva 8'500 contingents.
Malgrà ch'il Cussegl federal n'ha betg ademplì cumplainamain lur pretensiun approva la Conferenza dals directurs chantunals da l'economia publica la decisiun.
Ina seria da branschas e chantuns avevan pretais en las emnas passadas in augment suenter ch’ils contingents eran gia quasi exausts per quest onn.
Las 1’000 lubientschas supplementaras per spezialists che vegnan d'ordaifer l'UE servian al basegn cuntinuant da l'economia svizra - scriva il Departament federal da giustia e polizia.
RR novitads 17:00++