Siglir tar il cuntegn

Header

cuntegn

Svizra 700 kilos rument mintg'onn

Il quantum da rument na vegn betg a sa reducir ils proxims onns en Svizra.

A questa conclusiun vegn il Cussegl federal en ses rapport ch'el ha preschentà la mesemna. Las raschun vesa el en il cumportament da consum ed en l'augment da la populaziun.

Bunamain a la testa

Passa 700 kilograms rument producescha mintga Svizra e Svizzer en il decurs da l’onn. Cun quai tutga la Svizra tar quests pajais da l'OECD che produceschan il pli bler rument. Sulettamain il Danemarc surpassa la Svizra, quai cun bunamain 800 kilograms.

Tendenza ensi

Ed a media vista na vegni quai era betg a sa midar, è il Cussegl federal persvadì. Ils 30 implants per arder rument che la Svizra ha, na stoppian perquai era betg temair ch'il material da brisch vegnia scart.

Era dapli recicladi

In sguard sin la statistica mussa che la quantitad è creschida ils davos 20 onns, e quai per passa 100 kg per persuna. Mo i dat era ina buna nova. Passa la mesadad dal rument vegn ozendi reciclà. Avant 20 onns eran quai mo bun in terz.

RR novitads 12:00

Artitgels legids il pli savens