En producir ed en reciclar rument essan nus Svizzers sin il podest en l'Europa. Mo en Norvegia ed en il Danemarc producescha la populaziun en media dapli rument che tar nus. Tenor l'uffizi da statistica Eurostat producescha mintgin da nus mintg'onn 700 kilos rument. A la testa è la Norvegia cun 748 kilos.
En il medem mument è la Svizra dentant era quella che reciclescha il pli bler rument, numnadamain 217 kilos per persuna ed onn. Quai è circa tuttina bler sco en la Norvegia ed en il Danemarc. En media reciclescha mintga persuna da l'UE mo 81 kilos rument ad onn.
RR novitads 12:00