Siglir tar il cuntegn

Header

cuntegn

Svizra 724 francs per la sanadad il mais

L'onn 2014 èn ils custs da sanadad s'augmentads per 2,8% sin 71,2 milliardas francs. L'augment è uschia sut la media dals ultims 5 onns.

La relaziun tranter las expensas per la sanadad ed il product naziunal brut è creschì sin 11%, quai mussan las cifras provisoricas da l'uffizi federal da statistica davart ils custs e la finanziaziun da la sanadad publica. 4/5 dals custs vegnan purtads da l'assicuranza fundamentala, dals privats e dal stadi.

Ospitals e creschan surproporziunalmain

Las expensas da sanadad per ospitals (+2,2%) e chasas da tgira (+2,3%) han registrà ina creschientscha surproporziunala en cumparegliaziun cun ils ultims 5 onns. Las expensas per il provediment ambulant èn creschidas vinavant cun il trend dals ultims onns, quai per 4,7%.

724 francs il mais per la sanadad

En media ha mintga Svizra e Svizzer dà ora mintga mais en media 724 francs per la sanadad, 11 francs dapli che l’onn avant. Da quels ha l’assicuranza da malsauns obligatorica cuvert 265 francs, 3% dapli.

RR novitads 12:00

Artitgels legids il pli savens