La Fundaziun svizra per la protecziun da la cuntrada ha inoltrà il 2018 34 recurs u reclamaziun, 74% da quests han gì success. Da las totalmain 34 intervenziuns èn 10 vegnidas approvadas dal tut u almain parzialmain, uschia communitgescha la fundaziun.
En set cas han ins dà si ils projects da construcziun u retratg ils projects. Pertutgads dals recurs sajan stadas tranter auter pendicularas, pistas e loipas, pistas da bike e punts pendentas.
Cumpareglià cun l'onn 2017 è la quota da success da la Protecziun da la cuntrada sa reducida in zic.
