Radund 7300 recruts han cumenzà la scola da recruts da stad. Tranter quels era 74 dunnas, communitgescha il departament federal da defensiun. Radund 800 recruts absolvan il servetsch vid il toc.
55 persunas n’han dentant betg pudì cumenzar la recruta, malgrà ch'ellas eran vegnidas recrutadas oriundamain. Las persunas sajan crudadas tras l'examen da ristga suenter la recrutaziun.
Examen da ristga dapi il 2011
Cun quest examen vul l'armada impedir che persunas che pudessan esser ina ristga per sa sez u per lur ambient absolvian la recruta. L’examen datti dapi la stad 2011.
