Per l’entschatta da la 3. scola da recruts dal 2015 quinta l’armada svizra cun radund 8‘300 schuldads, tranter quels er 63 dunnas. Radund 1‘400 dals recruts vegnan a frequentar lur servetsch vid il toc.
Sco quai ch’il departament federal per la defensiun communitgescha, n’hajan 26 persunas betg dumagnà l’examen per la controlla da segirezza, uschia che quellas na dastgan betg entrar en servetsch. Cun questa mesira vul l’armada evitar che persunas ch’èn ina ristga potenziala per lur ambient, possian frequentar la scola da recruts.
