L’associaziun H+ argumentescha che la structura da tariffas actualas «Tarmed» saja antiquada e bloccada dapi radund 10 onns. Cun la tariffa nova ambulanta «ats-tms» duajan vegnir adattadas las prestaziuns ambulantas en praticas, ospitals e clinicas als custs reals.
Per il president da l’associaziun H+, Charles Favre, saja ina nova structura da tariffa indispensabla per avair ina indemnisaziun gista en il sectur ambulant. Uschia possia er vegnir impedì in’ulteriura acziun dal Cussegl federal en chaussa.
La nova tariffa è dispitaivla. L'uniun tetgala da las cassas da malsauns Santésuisse tema ch'i dettia custs bler pli auts. Ella pretenda che las tariffas vegnan adattadas regularmain. Uschia vul l’uniun impedir che adina daplirs medis quintan giu adina daplirs custs ed enchareschan uschia las premias da las cassas da malsauns.
La fin da zercladur duai la nova tariffa vegnir inoltrada al Cussegl federal.
RR novitads 12:00