La BaZ holding, ch’edescha tranter auter la «Basler Zeitung», surpiglia la chasa editura Zehnder che posseda 25 gasettas da l’emna. Quellas èn derasadas en grondas part da la Svizra tudestga.
Las duas chasas edituras han communitgà ensemen la cumpra, quella vala retroactiv per il 1. da schaner 2017. Il pretsch da cumpra na vegn betg dà enconuschent. En il cussegl d'administraziun da la BaZ holding SA sesa Christoph Blocher.
La chasa editura Zehnder ha 11 biros en 16 regiuns da la Svizra orientala e centrala. Ed en ils chantuns Argovia, Berna, Soloturn e Turitg tutgan gasettas gratuitas a la chasa editura.
