La fin da l'onn passà ha la Svizra dumbrà en total 53'200 manaschis purils. Quai èn 800 ubain 1,5% pli pauc che la fin dal 2014. Surtut ils manaschis purils pitschens e mesauns èn pertutgads. Quai resulta da l'enquista da structura da la Confederaziun.
La surfatscha agricula che vegn nizzegiada è dentant restada stabila sin 1 milliun hectaras. Sa sminuì per 2% è il dumber da las persunas che lavuran sin ils bains purils. La fin da l'onn passà han ils manaschis dà lavur a 155'000 persunas.
RR novitads 11:00