Uschè bler café sco l'onn passà ha la Svizra anc mai exportà. Ils exports muntan il 2019 a 83'819 tonnas café. La valita da quests exports munta a 2,5 milliardas francs, quai sco l'Administraziun federala da duana annunzia. L'onn 2006 ha la Svizra anc exportà 12'747 tonnas café, ussa è quai bunamain set giadas dapli.
10 giadas dapli valita
La cuntravalita dal café ch'è vegnì exporta è creschida anc dapli ch'il dumber da tonnas. Il 2006 era la valita tar 202 milliuns francs ch'è ida en furma da café sur ils cunfins. Il 2019 è questa valita creschida per dapli che 10 giadas dapli, quai cun ina summa da 2,5 milliardas francs. Tar il café che vegn exportà sa tracti cun 98% per la pli gronda part da café brastulà.