Il 2017 èn mintgadi 4 milliuns Svizras e Svizzers pendulads al plaz da lavur, 800'000 a scola, quai resulta da las novas cifras da l'Uffizi federal da statistica.
71% lavuran ordaifer l'atgna vischnanca
Ils viadis da lavur vegnan adina pli lung, las undas da pendularis adina pli spessas. Da las persunas occupadas lavuravan l’onn passà 71% ordaifer l’atgna vischnanca, il 1990 eran quai anc 59%.
Aifer il medem temp è la cumpart dals pendularis che van sur il cunfin dal chantun per lavurar creschida da 12 sin 20%. Basilea citad e Zug èn cumpareglià cun lur grondezza ils chantuns ch’attiran ils pli blers pendularis. Il pli pauc attractiv è il Tessin.
Bunamain la mesadad dals pendularis fan quai cun l'auto, mintga sisavel cun il tren.