Legenda:
Ensemble Nikel, Le Bourg, ina da las radund 60 furmaziuns che ha dà concert.
mad, Yuri Pires Tavares
cuntegn
Svizra - 90'000 persunas al «Label Suisse»
Il festival da musica «Label Suisse» a Losanna ha carmalà ils ultims trais dis var 90'000 visitadras e visitaders, uschia communitgeschan ils organisaturs. Radund 100 artistas ed artists da l'entira Svizra, la Frantscha e dal Québec han dà passa 60 concerts gratuits.
Tranter auter han era las bands svizras Pegasus, da Bienna u Kadebostany da Genevra sunà. Da nov hai questa giada er dà concerts da represchentants da la musica populara sco per exempel da Noldi Alder&Susanne Bolt u da Hans Hassler.
Il festival Label Suisse datti dapi il 2004 ed ha lieu mintga dus onns. Finamira dal festival èsi da preschentar l'entira paletta da la musica svizra. Il 2016 han 100'000 persunas visità ils concerts.
La proxima ediziun è dals 18 fin ils 20 da settember 2020.
