La Swiss sgola quest enviern puspè en tuttina bleras destinaziuns sco l'enviern avant la pandemia. Total sajan quai 90 destinaziun, scriva la societad aviatica. Davent da Turitg vegn sgulà en 81 destinaziuns, da Genevra en 26.
Dentant sgola la Swiss pli pauc savens. Planisads sajan radund mez uschè blers sgols sco l'enviern 2019. Finamira saja da pussibilitar als passagiers tantas colliaziuns e pussaivladads da viagiar vinavant sco pussaivel.
Davent dals 14 da december duai per exempel Genevra-New York puspè esser pussaivel fin quatter giadas per emna. En temp da gronda dumonda vegnia il program da sgols rinforzà.
audio
Per tadlar: Las novitads da las 15:00
ord RTR Audio dals 22.09.2021.
laschar ir. Durada: 2 minutas 16 Secundas.