Siglir tar il cuntegn

Header

cuntegn

910 cas L'antisemitissem en Svizra è s’augmentà – oravant tut online

Il dumber da cas antisemitics en Svizra saja tenor in rapport s'augmentà per 6% sin 910. Quai mussa in'elavuraziun da la Federaziun svizra da las communitads israelitas per la svizra rumantscha, tudestga e taliana.

Cumpareglià cun avant la pandemia da corona è il dumber da cas da antisemitissem bunamain sa dublegià. Quai è il resultat da la retschertga da datas che la Federaziun svizra da las communitads israelitas SIG ha fatg ensemen cun la Fundaziun GRA cunter rassissem ed antisemitissem.

Passa 850 da quels 910 cas sajan capità online – radund trais quarts da quels sin l’app Telegram. Tenor il rapport saja en blers cas responsabla ina subcultura obsessiunada da teorias conspirativas. El mund real – pia betg online – haja dà l'onn passà in zic dapli ch'in cas per emna ch'èn vegnids rapportads.

Pervia da quai augment pretendan ils auturs dal rapport reglas pli strictas encunter messadis d'odi. Quai surtut en la sparta d'online, sco era in engaschament statal tar il monitoring d'antisemitissem e rassissem.

audio
Per tadlar: curt e cumpact
ord RTR Audio dals 28.02.2023.
laschar ir. Durada: 1 minuta 6 Secundas.

RTR novitads 07:00

Artitgels legids il pli savens