Siglir tar il cuntegn

Header

cuntegn

Svizra A fin avant ch’igl ha cumenzà: Nagina fusiun Clariant-Huntsman

Sut squitsch d’in investider activist ha da renunziar il concern da chemia svizzer Clariant a la fusiun cun il concern american Huntsman. Quai scrivan las agenturas da novitads.

Il concern da chemia svizzer Clariant scriva il venderdi a bun’ura, ch’el haja sa cunvegnì cun il concern american Huntsman da betg fusiunar.

Investider activists White Tale ha investì cunter la fusiun

Clariant scriva, ch’i saja daventà adina pli intschert sche la fusiun chattia il sustegn necessari da dus terzs dals acziunaris da Clariant. Suenter questa malsegirezza stà White Tale, in uschenumnà investider activist.

Logo da firma.
Legenda: Il concern american Huntsman Corporation operescha davent dal Texas. Keystone

Cun augmentar sia part vi da las aczias da Clariant sin 20% ha White Tale sa cumprà dapli dretg da vuschar. Uschia èsi reussì a White Tale – ch’era cunter la fusiun dals dus concurrents Clariant e Huntsman – dad impedir la fusiun planisada.

Clariant vinavant concern independent

Il concern svizzer Clariant vegn a sa concentrar uss sin sia strategia da fabritgar ora sia posiziun en il martgà. Per quai na vegnia el dentant betg a vender parts dal concern u midar il schef da concern, vegn cità il schef da concern Hariolf Kottmann

Il contract per rumper giu la fusiun na prevesa nagins pajaments da chasti. Clariant spargna uschia pajaments dad in total da radund 270 milliuns, ch’eran prevesids en il contract da fusiun oriund.

Fusiun da 20 milliardas francs è dada en l'aua

La fusiun dal concern svizzer Clariant cun il concern american Huntsman fiss stada ina fusiun da 20 milliardas francs.

La bursa ha gia reagì sin la fin da quests plans: Avant che la bursa da Turitg cumenza cun sia lavur è il curs da Clariant gia crudà per 6%.

RR novitads 07:30

Artitgels legids il pli savens