A partir da la stagiun 2022/23 na vegn Swisscom betg pli ad esser il sponsur principal da la federaziun da skis svizra Swiss-Ski. Swisscom na vegnia betg a prolungar il contract che scada l'avrigl dal 2022, ha il concern da telecommunicaziun fatg a savair.
Swisscom na saja betg pront dad engrondir substanzialmain ses engaschi per il sport da naiv e da sa liar danovamain a lunga vista, hai num en l'argumentaziun. Ins renconuschia però il basegn da la federaziun da skis da dapli daners, per pudair segirar a lunga vista ina posiziun excellenta en il sport da skis.
Uschia va a fin il 2022 in engaschi da sponsur ch'ha cuzzà passa 20 onns. Il 2001 suenter il grounding da la Swissair era la Swisscom siglida en ed aveva surpiglià la funcziun da sponsur principal da Swiss-Ski.
Ord l'archiv da Radio SRF:
