A partir dal matg survegnan ils scrinaris e las scrinarias che lavuran en Svizra dapli paja. Ils partenaris socials èn sa cunvegnids gia l'atun 2019 ad in auzament da paja general ed individual dad 1,5%. Quai communitgescha l'Associaziun svizra dals maisters scrinaris e fabricants da mobiglias (ASSFM).
Uss ha er il Cussegl federal declerà las pajas pli autas sco liantas. A partir dal matg survegnan pia tut ils scrinaris che lavuran en in'interpresa suttamessa al contract collectiv dapli paja. Ina mesadad da l’augment vegn pajà ora a tuts e tschella mesadad a moda individuala. Quai vul dir che mintga falegnam survegn minimum 0,75% dapli paja. Cun l'autra cumpart po la firma auzar las pajas individualmain. Auzadas per 1,5% vegnan a partir dal matg er las pajas minimalas.
