Il chantun Uri scumonda demonstraziuns cun passa 300 persunas a partir dal prim d’avrigl. La restricziun dal dumber da participants stettia indirectamain en connex cun la demonstraziun gronda cunter las mesiras da corona. Quai ha ditg il directur da sanadad da l’Uri envers radio SRF
La direcziun da segirezza dal chantun aveva decis la gievgia da betg lubir ina demonstraziun gronda cunter las mesiras da corona, nua ch'ils organisaturs spetgavan 10'000 participants. Quai cun l'argument che l’obligatori da purtar ina mascrina na saja betg realisabel. La demonstraziun era planisada per ils 10 d’avrigl ad Altdorf.