Dunnas ed umens en costum, stgelladers e bittabandieras: Radund 4’000 persunas da tut ils 26 chantuns han mussà en in cortegi lur usanzas e lur savair. Millis dad aspectaturs ed aspectaturas han giudì durant trais uras la vitalitad e varietad da las tradiziuns svizras. Il cortegi ha mussà quella en 70 motivs.
Avant il cortegi hai dà anc in sgol acrobatic da Patrouille Suisse.
Sco ultim punct culminant da l’Unspunnen haja dà la dumengia suentermezdi anc in festival ad Interlaken. Là èn vegnids mussads tenor ils organisaturs tut ils temas da l’Unspunnen dapi il 1805, dapi ch’i dat questa festa.
La festa dad Unspunnen ha durà novs dis. Ella unescha mintga sis onns lutgaders, jodladers e chantadurs, uniuns da costums e musicas popularas ad ina gronda festa da las tradiziuns svizras. Quest onn han ils organisaturs fatg quint cun 150’000 visitadras e visitaders.
RR novitads 16:00
