Il chantun Argovia vul nizzegiar 2 chasas da pliras famiglias sco alloschi per requirents d'asil. Il cussegl da vischnanca saja anc adina persvadì che las chasas na dastgian betg vegnir duvradas senza ina lubientscha da bajegiar valaivla per ina midada d'intent, scriva la vischnanca da Aarburg.
Il cussegl da vischnanca tema er ch’ils custs socials vegnian a s’augmentar ils proxims onns. Actualmain munta la cumpart dad esters ad Aarburg a 42%.
Malgrà la dispita giuridica tranter la vischnanca ed il chantun vivan dapi var in onn requirents d'asil en las 2 chasas.
RR novitads 11:00