Al concern d'electro svizzer ABB custa il cas da cugliunaria probabel en la Corea dal Sid damain che supponì. La renumada interpresa da cussegliaziun Ernst&Young rinfatscha al management da betg avair controllà a moda effectiva il rapport da finanzas.
Ils custs da l’affera en la Corea dal Sid per il concern svizzer ABB paran dad esser pli bass che supponì fin quai. Uschia muntian ils custs avant da trair giu taglias a 73 milliuns dollars, scriva ABB. Il favrer aveva il concern discurri da custs da 100 milliuns dollars.
Ad in manager da l’ABB vegn rinfatschà d'avair defraudà 100 milliuns dollars en la Corea dal sid.
