ABB sco sin rascha

Il concern d'industria svizzer ABB na vegn betg propi vinavant. Il ferm dollar american e fatschentas difficilas sin plirs martgads han franà il concern d'industria ABB.

Reclama per il concern d'industria ABB vi d'ina parait - davanttiers è in velo Bild in Lightbox öffnen.

Legenda da maletgs: Il concern d'industria ABB cun pli pauc gudogn Keystone

L'onn 2015 ha ABB nudà ferms regress. Il gudogn è sa sminuì per in quart. El munta dentant anc adina bun 1,9 milliardas dollars. Tenor atgnas communicaziuns è la svieuta sa reducida per 11% sin stgars 35,5 milliardas dollars. Quai saja cunzunt d'attribuir al fatg ch'i na giaja betg bain cun l'industria dad ieli e da gas.

Grazia al curs da spargn pli rigurus haja ABB dentant pudì limitar la perdita dal resultat operativ. Il resultat operativ saja sa sminuì per 7 pertschient sin 4,2 milliardas dollars.

Betg fitg optimist

Il schef dal concern ABB, Ulrich Spiesshofer na quinta betg che las cundiziuns da basa actualas sa midian svelt. I saja da quintar er vinavant cun malsegirezzas globalas. Malgrà ch'il concern ha fatg damain gudogn e malgrà las ristgas actualas paja ABB dus raps dapli dividenda als acziunaris, vul dir 74 raps.

RR novitads 8:00