ABB vul salvar e promover la sparta da raits electricas cun partenaris. Il concern resista uschia al squitsch da l'acziunari grond Cevian che pretenda da separar la sparta Power Grids dal concern ABB. Da salvar e transformar questa sparta saja per ils acziunaris la megliera da las opziuns examinadas, ha ditg il president dal cussegl d'administraziun da la ABB, Peter Voser.
Ultra da quai communitgescha ABB da vulair spargnar dapli che previs. En l'administraziun vul il concern spargnar 1,3 milliardas dollars. Quai è 30% dapli che planisà fin ussa. Mo uschia quinta il concern da pudair tegnair l'atgna marscha tranter 11% e 16%.
Plinavant ha ABB annunzià per il 2017-2019 in segund program da recumpra d'aczias a fin 3 milliardas dollars.
RR novitads 09:00