Legenda:
President Mahmud Abbas a Berna cun Simonetta Sommaruga.
Reuters
cuntegn
Svizra - Abbas e Sommaruga èn s’inscuntrads a Berna
Il president dals Palestinais Mahmud Abbas è s'inscuntrà a Berna cun la cussegliera federala Simonetta Sommaruga.
En il center dals discurs è stà la situaziun difficila en il Proxim Orient e las perspectivas dal process da pasch.
Sommaruga sco er Abbas èn sa cunvegnids da sa stentar vicendaivlamain per las relaziuns bilateralas dals dus pajais. La cussegliera federala ha confermà ad Abbas che la Svizra s'engaschia vinavant per ina schliaziun da dus stadis. Renconuscher il Palestina sco stadi independent na saja betg vegnì discutà ha Sommaruga ditg. La davosa viseta dal president palestinais en Svizra è stada l’onn 2012.
