Las differenzas tranter las 10 pli grondas citads en Svizra èn vaira grondas. Tenor in studi dal portal da cumparegliaziun Comparis è il pretsch per in'abitaziun da 4,5 stanzas il pli aut a Genevra ed il pli bass a Son Gagl.
Quai custa actualmain ina abitaziun da 4,5 stanzas cun 100 fin 110 meters quadrat:
- Genevra 3'820 francs
- Turitg 3'073 francs
- Losanna 2'850 francs
- i suondan las citads Basilea 2'660 francs, Berna 2'600 francs, Lucerna 2'430 francs, Winterthur 2'400 francs, Bienna 2'110 francs, Lugano 2'050 francs e Son Gagl 2'004 francs
Motivs per las differenzas
Responsabel per las differenzas marcantas sajan divers facturs, vegn communitgà. Tranter auter la purschida limitada d'abitaziuns a Genevra e Turitg u la prontadad da pajar pretschs pli auts per abitaziuns.
Tar abitaziuns mesaunas varieschan ils tschains-chasa tranter 1'675 e 2'680 francs e tar abitaziuns pli pitschnas tranter 1'125 e 1'734 francs. Era qua è la rangaziun sumeglianta tranter las citads las pli charas e la pli favuraivlas.
RR novitads 06:00